“Дунё — меҳмонхона” (ривоят)

Бир куни авлиё саройга кириб, дам олиш учун ўтирди. Бироз вақт ўтгач, ёнидан қирол ўтиб қолди. Чақирилмаган меҳмонни кўриб, сўради:

— Қаерда ўтирганингни биласанми?

— Мен саёҳатчилар меҳмонхонасида дам оляпман, — деб жавоб берди авлиё.

Қиролнинг жаҳли чиқиб бақириб юборди:

— Оддий меҳмонхонани қиролнинг саройидан фарқлай олмайсанми?

Авлиё қиролдан саройда ундан аввал ким яшаганини сўради.

— Отам яшаган, унгача эса — бувам, менинг ўғлим — шаҳзода ҳам мендан сўнг шу саройда яшайди.

— Ундай бўлса, бу саёҳатчилар учун меҳмонхона бўлмай, нима? — деди авлиё.