Осмонда қанча юлдуз бор?

Бир куни подшоҳ Бирбалдан сўради:

— Менга айт-чи, Бирбал, осмонда қанча юлдуз бор?

Бирбал шундай жавоб қилди:

— Дарров айтолмайман, ҳукмдор, аммо эртага жавоб беришга уриниб кўраман.

Уйга келгач, Бирбал катта қоғозни олиб, уни игна билан тешиб, кўплаб тешикчалар ҳосил қилди. Тешикчалар шунчалик кўп ва зич эдики, ҳеч ким санаб чиқолмасди.

Эртаси куни Бирбал саройда пайдо бўлиши билан подшоҳ уни ўша савол билан кутиб олди:

— Менга айт-чи, Бирбал, осмонда қанча юлдуз бор?

Шунда Бирбал подшоҳнинг олдига игна билан тешилган қоғозни қўйди ва деди:

— Олампаноҳ, мен бу вараққа осмонда кўриниб турган барча юлдузларни туширдим. Осмонда қанча юлдуз борлигини билишни истаганлар одам санаб олаверсин.

Маслаҳатчиларнинг ҳаммаси қоғозга қарашди-ю, жим бўлиб қолишди. Подшоҳ Акбар ҳам жилмайиб, Бирбалнинг топқирлигини мақтади.