Дўст билан обод уйинг,
Гар бўлса у вайрона ҳам,
Дўст қадам қўймас эса,
Вайронадир кошона ҳам.
Эркин ВОҲИДОВ
Бу дунёда дўстлик деган қадриятнинг ўрни ва аҳамияти жуда катта. Дўстлик бор экан, инсонлар ўртасидаги меҳр-оқибат ҳам бардавом ва абадий. Одамзод қариндошларини танлай олмайди, аммо дўстларини ўзи билиб, синаб танлайди. Шунинг учун ҳам дўстлик ришталари қариндошчилик ришталаридан ҳам устун ҳамда кучлироқ.
Ота-она беҳад бўлади хурсанд,
Фарзанди бўлолса муносиб фарзанд.
Муҳаммад Жавҳар Заминдор
Бошни фидо қилғил ато бошига,
Жисмни қил садқа ано қошиға.
Тун-кунингга айлагали нурфош,
Бирисин ой англа, бирисин қуёш.
Алишер Навоий
Китоб инсон дунёқарашини шакллантиришга, тафаккурини ўстиришга, маънавий дунёсини бойитишга хизмат қилади. Бироқ китобхонларнинг у ёки бу китобни ўқишдан мақсади турлича. Шундай экан, уларнинг китобдан оладигани ҳам фарқ қилади. Кимдир шунчаки вақтини ўтказиш, кимдир ўзини ақлли кўрсатиш, кимдир эса маънавий эҳтиёж сезгани учун китоб мутолаа қилади. Яна ким учундир учун китоб ижодий қувват, илҳом, руҳий лаззат, эстетик завқ беради. Яна ўйлаш, мушоҳада ва таҳлил қилишга ундайди, ҳаёт ва инсон ҳақида билмаганларини ўргатади.
