Чорасизлик

Баъзан ҳаёт сени шундай чорасиз вазиятда қолдирадики, минг уринма, интилишларингдан самара чиқмайди. Бунинг устига, бу уринишларинг кимгадир малол келаётган, кимнингдир ҳаловатини бузаётган бўлса, айбинг йўқ эса-да, хижолат чекасан. Юрагингнинг қайсидир қисмларини ғижимлаб, ноилож таслим бўласан ва ортга чекинасан. Баъзилар ҳар қандай вазиятда чора топиш мумкин, дейишади. Улар сен тушган вазиятдан бехабар, қандай қилиб ишонч билан иддао қилишади? Чорасизлик сени чорасиз қолдирса, ортга қайтмасликнинг иложи йўқ...